សេចក្តីជូនដំណឹង

ការបើកវគ្គបង់ថ្លៃសិក្សាថ្នាក់បរិញ្ញាបត្រជាន់ខ្ពស់  

នៅសាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ

យោង៖   លិខិតលេខ១៨០អបស.អធម ចុះថ្ងៃសុក្រ ១៤រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែមិថុនា ឆ្នាំ២០២០ ស្តីពីការអនុញ្ញាតឱ្យបើកវគ្គបណ្តុះបណ្តាលថ្នាក់បរិញ្ញាបត្រជាន់ខ្ពស់ នៅសាលាសុខភាពសាធារណៈ។

              សាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ សូមជូនដំណឹងដល់បេក្ខជន-បេក្ខនារីថា សាលានឹង ចាប់ផ្តើមទទួលពាក្យចូលរៀនថ្នាក់បរិញ្ញាបត្រជាន់ខ្ពស់ ឆ្នាំសិក្សា ២០២០-២០២២ ចាប់ពីថ្ងៃពុធ ១១កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០១ ខែកក្កដា ឆ្នាំ២០២០។

       ក. មុខវិជ្ជាដែលបណ្តុះបណ្តាលនៅសាលាសុខភាពសាធារណៈ មាន៖

១- បរិញ្ញាបត្រជាន់ខ្ពស់សុខភាពសាធារណៈ ផ្នែកអភិវឌ្ឍន៍ប្រព័ន្ធសុខាភិបាល ជំនាន់ទី១៤ ចំនួន ៥០ នាក់ (Master of Public Health in Health System Development Batch 14 = 40 candidates)

                        ២- បរិញ្ញាបត្រជាន់ខ្ពស់វិទ្យាសាស្ត្រ (Master of Science)៖

• ផ្នែកអេពីដេមីសាស្រ្ត ជំនាន់ទី១០ ចំនួន ៣០ នាក់ (MSc in Epidemiology Batch​ 10 = 30 candidates)
• ផ្នែកអាហារូបត្ថម្ភ​ ជំនាន់ទី៩ ចំនួន ៣០ នាក់ (MSc in Nutrition Batch 9 = 30 candidates)

៣- បរិញ្ញាបត្រជាន់ខ្ពស់គ្រប់គ្រងរដ្ឋបាលមន្ទីរពេទ្យ ជំនាន់ទី៧ ចំនួន ៤០ នាក់ (Master of Hospital Administration Batch 7 = 40 candidates)

៤- បរិញ្ញាបត្រជាន់ខ្ពស់សុខភាពនិងអភិវឌ្ឍន៍សហគមន៍ ជំនាន់ទី២ ចំនួន ៣០ នាក់ (Master of Health and Community Development Batch 2 = 30 candidates)

       កម្មវិធីបណ្តុះបណ្តាលនេះនឹងប្រព្រឹត្តទៅជារៀងរាល់ ថ្ងៃសៅរ៍ និង ថ្ងៃអាទិត្យ។ វគ្គបណ្តុះបណ្តាលនេះនឹងធ្វើឡើងជាភាសាខ្មែរ និងជាភាសាអង់គ្លេស។ នៅពេលបញ្ចប់ការសិក្សានិស្សិតអាចសរសេរនិក្ខេបបទជាភាសាខ្មែរឬជាភាសាអង់គ្លេស ទៅតាមសមត្ថភាពភាសារបស់និស្សិត។

       ខ. លក្ខខណ្ឌនៃការទទួលពាក្យចូលរៀន៖

• ពាក្យសុំចូលរៀន​ (អាចទាញយកតាមគេហទំព័រនិងហ្វេសប៊ុក

របស់សាលាឬមកយកផ្ទាល់នៅវិទ្យាស្ថាន)                                                  ០២ ច្បាប់

• សញ្ញាបត្រខ្ពស់បំផុតច្បាប់ថតចម្លងផ្លូវការ                                                    ០២ ច្បាប់
• ព្រឹត្តប័ត្រពិន្ទុនៃសញ្ញាបត្រខ្ពស់បំផុត                                                          ០២ ច្បាប់
• ច្បាប់ថតចម្លងនៃបញ្ជីឈ្មោះប្រឡងជាប់សញ្ញាបត្រខ្ពស់បំផុត                            ០២ ច្បាប់
• ជីវប្រវត្តិផ្ទាល់ខ្លួននិងការងារមានបិទរូបថតថ្មីជាភាសាអង់គ្លេស                          ០២ ច្បាប់
• រូបថតដែលទើបថតថ្មី (៦ខែ ផ្ទៃពណ៌ស) ទំហំ ៤x៦ ស.ម                              ០២ សន្លឹក
• វិញ្ញាបនបត្រភាសាអង់គ្លេសប្រភេទ TOEFL or IELTS ឬផ្សេងពីនេះ (បើមាន)     ០២ សន្លឹក

                 គ. សញ្ញាបត្រដែលអាចដាក់ពាក្យចូលរៀនបាន៖

• សម្រាប់ថ្នាក់បរិញ្ញាបត្រជាន់ខ្ពស់សុខភាពសាធារណៈ និស្សិតត្រូវមានបរិញ្ញាបត្រវិទ្យាសាស្រ្តសុខាភិបាល ឬវេជ្ជបណ្ឌិត ឬឱសថការី ឬទន្តបណ្ឌិត ឬបរិញ្ញាបត្រគិលានុបដ្ឋាកឬឆ្មប ឬសញ្ញាបត្រគិលានុបដ្ឋាក+ឆ្មប (៣+១) ឬសញ្ញាបត្រសមមូល។
• សម្រាប់ថ្នាក់បរិញ្ញាបត្រជាន់ខ្ពស់វិទ្យាសាស្រ្ត និស្សិតត្រូវមានបរិញ្ញាបត្រវិទ្យាសាស្រ្ត ឬបរិញ្ញាបត្រវិទ្យាសាស្រ្តសុខាភិបាល ឬវេជ្ជបណ្ឌិត ឬឱសថការី ឬទន្តបណ្ឌិត ឬបរិញ្ញាបត្រគិលានុបដ្ឋាកឬឆ្មប ឬសញ្ញាបត្រគិលានុបដ្ឋាក ឆ្មប(៣+១) ឬសញ្ញាបត្រសមមូល។
• សម្រាប់ថ្នាក់បរិញ្ញាបត្រជាន់ខ្ពស់គ្រប់គ្រងរដ្ឋបាលមន្ទីរពេទ្យ និស្សិតត្រូវមានបរិញ្ញាបត្រ ឬបរិញ្ញាបត្រខ្ពស់ជាងក្នុងជំនាញណាមួយ។
• សម្រាប់ថ្នាក់បរិញ្ញាបត្រជាន់ខ្ពស់សុខភាពនិងអភិវឌ្ឍន៍សហគមន៍ និស្សិតត្រូវមានសញ្ញាបត្របរិញ្ញាបត្រ ក្នុងជំនាញណាមួយ។

                 ឃ. ផុតកំណត់ទទួលពាក្យ៖

• ថ្ងៃផុតកំណត់ឈប់ទទួលពាក្យ គឺនៅថ្ងៃចន្ទ ០៣រោច ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៥ ខែតុលា ឆ្នាំ២០២០។
• ថ្ងៃចាប់ផ្តើមវគ្គសិក្សា៖ គឺនៅថ្ងៃសៅរិ៍ ១៣កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹង ថ្ងៃទី២៨ ខែវិច្ឆិកា ឆ្នាំ២០២០។

                ង. សម្រាប់ព័ត៌មានលម្អិតសូមទំនាក់ទំនង៖

• អាសយដ្ឋាន៖ ឡូត៍លេខ៨០ មហាវិថីសម្តេច ប៉ែន នុត (២៨៩) សង្កាត់បឹងកក់ទី២ ខណ្ឌទួលគោក
• ពាក្យសុំចូលរៀនអាចយកបាននៅសាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ ឬ នៅគេហទំព័រ៖ https://niph.org.kh/niph/home/index.html និង ហ្វេសប៊ុក៖ https://www.facebook.com/sph.niph

១-កញ្ញា ហេង សុធារ៉ា អ្នកសម្របសម្រួលវគ្គសិក្សាសុខភាពសាធារណៈ

លេខទូរស័ព្ទ៖ (៨៥៥) ១២ ២៩៨ ៩០៨ / អ៊ីម៉ែល៖ hengsotheara@niph.org.kh

២-លោកស្រីវេជ្ជបណ្ឌិត សរ កញ្ញា អ្នកសម្របសម្រួលវគ្គសិក្សាអាហារូបត្ថម្ភ

លេខទូរស័ព្ទ៖ (៨៥៥) ១១ ៩១៩ ១៤៧ / អ៊ីម៉ែល៖ skanha@niph.org.kh

៣-លោក ឈន ច័ន្ទបូរ័ត្ន អ្នកសម្របសម្រួលវគ្គសិក្សាគ្រប់គ្រងរដ្ឋបាលមន្ទីរពេទ្យនិងអ្នកទទួលពាក្យចូលរៀន

លេខទូរស័ព្ទ៖ (៨៥៥) ១២ ២៥៦ ០៥១ / អ៊ីម៉ែល៖  cchanboroth@niph.org.kh